Bietluo taariy a awlih pa bietluo

<><><> Bietluo taariy a awlih pa bietluo <><><>

Khaa pakawtlaw ma pa chang va ang. Lutuv saa cuothluo pata Lutuv mingphang hrawlie, Lutuv mingphuv hrawlie ta Lutuv caa a ma hmuokhing vatlaw kharuehaa aa chiyciecuo tapa laata ngiechiy aa chiy tahe angla a hmuovie thluo aa mang. Academy awards a mata tlawmaw ing. aw tapuo tluoang (Mingtaa )pakha ta Academy suokhah a hmungtli papaa ta Lutuv caahing zatue hela cuohlikie Lutuv phuv phuvkhah lieta caatluokha lie reply a matue khu cepa /khingcepa paahing ta Lutuv caa hing zatue hela khaama a lutlaw. Chuothaa mingnu tiezaw hingta cyicalang tlaw yi. Thlaachuo khu ciemuo papaa ta zatue he lahaw aa kalaa ciemuo sawnuo.

Zutung Paastaw Saya "Khy Pee" Liecaa takie Saya Khua Peng ca Zutung ryita Beebaw aa zaa palie pa paahe bie a phazaw pahing ta caa nata riy kawluo ma pha. Mingruo/ Vie /Hiekhaa/ ryita a hmuokhu diy. Cah ning Zuming hrawlie Zuriy hmuote Zuming phuvlie Zucaa a hmuo. Na chang paca Zomingphang ta Zucaa a matlechuo riy pahing maazue nguoluo a biepuv ta hlaa/mingchang/phungpa ta pahing Zutung caata ca pekhu mazue nguoluo ta pata nachang buo. Lutuv mingphang hrawlie nata Lutuv mingphuv hrawlie Saya Khy Pee haa paapa awhe yilaca nuo... 

Mingruo minghing Minruo caa theriy pata khaapa caama aa maazaacuv tlaw. Vieming hinghaw kieh Hiekhaa minghing haw Hiekhaa caa theriy ta khaapa caama aa maazaacuv tlaw nuo. Kie Lutuv minghing haw ta rahaa vyi ing. Tahemaw tapa kieca a nung ma Lutuv a paa pakhakha ta penghrang pa cuo yite aa ma saata zawta Lutuv ryi a mavie cyica mangthaw a machiy hlyitaw taa tlechuozaw a machiy. phanghrang ta ri pakie Ruothung lieta sanuzaw hing Lutuv ryi a mathe sali pata a maviecyi na kaw hingta tlechuo lisa phaava yi thyikhing lisa phaava yi. 

A cuocuota thyithe myarya pa bieca a cuosasaw zaw a hmuo sasaw lizawta i naa a kiemyarya. Lutuv ruoluo ca khaama ma vatue ee, Luuma mathlu pakhaa aa Leema ma vathaw pakhaa aa Patiy ma maning khaa ta ryarya te nanaaca Ruozaw a thlekie a viephakie ca kaa pakhaa lievuo ungpuv ta pata pathiy pa lunghmisi ta rilizawta palyi pakaa ta chuoca ma rikie ungca nuo. Cuoli pata kiema ca/ ie maca ( Citizenship ) ma hmungtli ne aa ma hmungtli ne phi raa va lie ung cama ta ryarya nanaa. Luuthlu puv Leethaw puv patiy zaning puv cakhuo cabung za cungpuv ma zawmekaa mawdiy thla mala. Dawchiesaa a riybi pahne na a mingkuv ta riypa ta maatue. 

Jawsaa pakha papaa ta bie khiehriyna aw biephung hela ma haahing ta paliethlaa ma lasa. Khiehriy na: Lutuv caa hne hlaa ma hnyima?

Pa lietuv: ma hnyi.

Khiehriy na: Lutuv caa hne hlaa ma hnyima?

Pa lietuv: Ma hnyi.

Khiehriy na: Lutuv caa hne hlaa ma hnyima?

Pa lietuv: Saya tuokhaa tama na pacuo sakhing?

Luohnih te ma hnyi ne a tathluo pata a khiehriy se pari nakaw a khiehriy tuv hing a khingna a phanghrang pa khaa a thyithe pahne aa pa lietuv ta Saya khingna kha a ruvpuv.. Kha viesaa riycuozaw na mahaw Saya palung ma na patluo aa? Ma hnyine na tama?.... aa reu pachiy.

Lungle Baw