Na caacaa icuota Decimber 12 nabie kuokha mawkhuhluo vaang
96 Kung caruv hrawning ta Kachin ruo a lungcu nataa Khyluo ca a kietlung amingca Hliy Chaw ta cuosela mah a kietlung ningzuo pa cata satlie pakha papaa ta lesaa nung a kieruo khyite a ning Hliy Chaw kha caapaapa hyipa ta cuo yite caacaa malie naakie ungchang khaata cuozaw Zuokhy dyi sawsie tueriy pa cuote naakhaw rali kie palung pha vatli hing, Hliy Chaw ta phaane a khaw raluovuo ang tate a nge ca a viesiy pahra te sawsie luoca a khawra.
Lesaa nung mingca Hlaw Uo cuosela Hlaw Uo a viesa zawhne luocha luo thude taata zaatu yite Hliy Chaw ca sungluo kuotaata a hmiepachaw pahingta a kietura. Satlie zawta luoca viehrue yite Chaw2 hne Uo2 ca luo aa vieda yite ''Tiyli rawlie Vuonga nung haa a khiehne puv'' tapa hla a maviesa pa ciemuo naca Vuonga nung hata neziyli khata a mavie pakie ciemuo, Uo2 lunglieraw a kiekhe paluo. Chaw2 ca Uo2 hmielie Vazungbyipa hata a pathla pari tli Chaw2 hing Kachin ruoluo phyilie a hlichung Uo 2 hing paame cazing luo a vie ngieba ning hrawning ta a cuo. Rikhing paca Uo2 hing a syivie karaa.
Ningkha ca Uo2 Sieing kie naluo siriy pa viecuotli te Uo2 vie saanung Ning2 lie bie a cungsiy Chaw2 a viesaa zawhne pasto patie inglie khese naa a mathlie ciemuo pahingta Ning2 ta Chaw2 a ming nugna bia nacung siy ee a taca Chaw2 casaw de a hungma a mingnung ca? tate a khiehriy ca zuoluo a pung nakie upaa la cachang lievuo angne tate Ning2 ta a khawse.
Chaw2 ca Ning2 kie upa te a mingnung kawca a khiehriy aw mahingta na nacungsiy {A mingpa kha ee Khyzatlaw lie ee a ruhluo ikie tlungpa khaa ne} tapata na changsiy Chaw2 aw casawde tate Ning2 ca palie te a ma vaapung.
A ruhluo ta Uo2 Sieing kie nataa cata a kietlungsaw Chaw2 thuohla a thyi naca Uo2 ingluo zuokha ca a chiysaw Uo2 ta nakhaw ma? tate thude ca vie duepate Chaw2 hne Uo2 bie a bungriy ca a mavie pathlie, Chaw2 hmielie Uo2 ca Bawpavaa nung ueryi ha a naalie ca a thyi pahlie a zyaca Thuvruv nangne nung a vietuepuo Chaw2 ca zuosyi hryly Uo2 puvthe napa kha a kiehmung hryly Chaw2 ta kieca a mingnung a diyle puotli zuosyi myarya tlihing tate kha muopha tlie tate Uo2 ta mawluo zuo a kie parie pa khaa riy pata changte Chaw2 ca a diyle.
Cuosyi puv Uo2 luo a viechiy pari Uo2 a ruechuopa lubie sungnaa ca Chaw2 kuvtie tiecariy ta a hluo, '' UoUo bie a cawta cachang angte hmisi ta na ruepala na pathiy napalung lieta hmisipabia kha na palie riypa na ikhing ee. A ta hing Cakhing angte cadue ne khuena ruepa la kama zawzalaa pa taca Khingna lubie hluoriy pata caphuv casiy ralaa vaang ne cadyi seca Ning2lie bie nacungsiy pakha na ithazuo ta a cuo ee. Mawluo zuo a khaw angte a phi napimang la.'' Uo2 lungchunglie hing ca hmungkhu awsela maapaa suosuv tapa lakha ta a ruvvie thluomang.
Mawluozuo ca khawsaw te Uo2 tuokhaa ta? Caa ca narima aw irine Chaw2 ma nalubie hing iruechuo napa a syisatli ne nalubie sungnapa ca ca cuhluodiy ne tahe maw tapakie ca sawsie zuoning taa khata na cuota pathiy palung ingchiy pakaa ca pahawdaw tli raalaane, tapa hneta Uo2 hmisi ma icalaw sane tate Duena vieluo ca a malanghne.
Aw hriehruv te saatleli siypasasaa cuona a ruvzya Ngunung tuokaavuo thlali Malesie ruoluo a viepha saatleli khaaw tawtheli Kungkha a aw hluota ruvnaasa nacang ta vieruoluo a viekaa pakha. Maning ta, Uo2 biaca duepa Chaw2 naviekaa pahing a lawsa thluone tahema tapakie ca a syicache khu vaang ne tapa a biekha chungzaa lungbang hata a hmang pari.
Uo2 ta Chaw2 a duetata ralaa ma aa lala lieta Chaw2 hing satlie pakha cuonabuotuv hata lesaazaw ta a mazezaw buopakha Uo2 palungngie a rawvyi maning hing Uo2 hne Chaw2 Kalamielie a taw yite Chaw2 ta tapaca aw Nungdue khaacuozaw Khyluohing matlunghne aa makie dyina palung hnaa a nguo aa tapa ta Chaw2 a tara ca Uo2 ta aw a cuone ca dyise ca ingchungkhue cuota a biepuv sapa Nandaw luo zuvsiy angte ikie chiy paluo mangne mathue ca naating nahaa cuothluo sela tate Uo2 a sibung.
Thlahning hraw hingta Chaw2 luo caa a kiechiy paca Idue Chaw2 Decimber 12 ninghing Khyluo ikietluungtli ne naza mangkhuo mangla tapa caa buotuv haata Chaw2 ca Kung 2000 Decimber thla 12 ning Uo2 kie chiytang vyi. Kungzaw ningzaw thlazaw ca thlukhu awli pabuotuv haata khung ramang sala Chaw2 lunglieraw lie Decimber thla 12 ning a kiechiy riypa Uo2 kha a hladaw pari ne.
Caari tuv niema lungkhaw hne chuozaa duena khyluo hrawhne khu kaluo riypa pata a khingkhyi nahne.
Uo2 ta Chaw2 a duetata ralaa ma aa lala lieta Chaw2 hing satlie pakha cuonabuotuv hata lesaazaw ta a mazezaw buopakha Uo2 palungngie a rawvyi maning hing Uo2 hne Chaw2 Kalamielie a taw yite Chaw2 ta tapaca aw Nungdue khaacuozaw Khyluohing matlunghne aa makie dyina palung hnaa a nguo aa tapa ta Chaw2 a tara ca Uo2 ta aw a cuone ca dyise ca ingchungkhue cuota a biepuv sapa Nandaw luo zuvsiy angte ikie chiy paluo mangne mathue ca naating nahaa cuothluo sela tate Uo2 a sibung.
Thlahning hraw hingta Chaw2 luo caa a kiechiy paca Idue Chaw2 Decimber 12 ninghing Khyluo ikietluungtli ne naza mangkhuo mangla tapa caa buotuv haata Chaw2 ca Kung 2000 Decimber thla 12 ning Uo2 kie chiytang vyi. Kungzaw ningzaw thlazaw ca thlukhu awli pabuotuv haata khung ramang sala Chaw2 lunglieraw lie Decimber thla 12 ning a kiechiy riypa Uo2 kha a hladaw pari ne.
Caari tuv niema lungkhaw hne chuozaa duena khyluo hrawhne khu kaluo riypa pata a khingkhyi nahne.
No comments:
Post a Comment