A taning retaa izaadiy le pahing ta luopuv kiemekaa Khrismaa myipaa phangtling he Khrismaa thinkung pa ca aa ma ing cicuota pa ngi yite Khrisamaa ca aamaa hladaw ka luo, Ingluo zachiy pahne a huokung ningta ihmuopa myipaa riyca a la angte Ing ngiepaa lieca ivie pasi ra. Vie patlung angte Myica vie pahaw pahne Ingca Myi thlahuv ta papuv sathe viepa palusa a cunglie hmaathla khy Fungta pathlapa vietaa puo.
Ninghne thlazaw ta Jawsaa pathiy palungchung lie bie a zarithe pahaa aa hung tahmuo hripuo li pata vuo aa chiythe ra. Ca buotuv haata vuoriyta Dizingbaa thlaca ma viepha pakhaahyi Khrismaa hing Khylie ta a ungbuopa Lutuv saa taca khaaning hmuo a mamaw khuli hlyitaw taa khaapa ruoluo hmuo chiyhe yila lungmya ningta vuoriy cicuo satlie leesaa taa vuoriy cicuo a za aw.
Ma nakawta tathla chungca vuoriy hne aa ngiy ri viese. Viesaa riycuo zawhne Khrismaa ning sa riy hlaahne luo phangphang macaw thlasiy kangce ning Khesle myi a vuo pate Khrismaa a khiezuo kha ingkha hnag ingkha hnag malie pasaw yite viechuo thuhlung ningtieli. Satlie lesaa ta Mangda sa nalie hmuoriy aa riy aa y buo myisaa hnaa aa lubuo mazaw mekaa kha kierue pakha angte pa lungli na a pe myarya. Khycaw mawta ingchungkhue a ky sa pata sa madung pakhaw khu hyi.
Tate a tahing ca Lutuv saa chekha hluvvie ta Lutuv ruolie maza aw ning haata Khrismaa a nuosa pata a hmuokhupa hing a sung thluo aa mang ita. Rangduo hrahring ta a thle thuohlaa ta a thle Bie na inglie thuo vie pathyi sa yite a ta kungca a ningpaa tiena Khrismaa malie aa tuepa aa nang yi ee tapa thuozaw ruohrang taata mavie thyi paluo pa tahmuo ma pathiy palung ca Khy lie aa awra patluv ta ma khangsaa.
Lunglebaw vesaa riycuozaw Khrismaa a lawna diena maating dawpa Mesie Haatiy pa ca niema cug cicuo lie zatlung kuse.