Lungmya
baataa vuotiy ca zahrie taanung na caacaa luokha tahmuozaruebuo va
angne, Zathyi buopa lawlaw sene. Kiema maazaa due naca Chung hne Zuo haa
tana a cuotli dema. Na caacaa izangkhing li zawta Ningzaw cuozawta na
pacuv nguoluo tli. Namahaw ruebuociy kiema pahnin cuona hing khiehlung a
lusa pata duena luhmaa kha za palang va pama. Ata hingna na caacaa
ikiethyi chaw cavyiluo vawhe cungtaa lungchungraw lubie nahluo
nguoningta Tluo paduotaa Taa aa kaaru a zakhi pakha Chuozaa lunglie
vuoriy tamuo a cuota .
Nungdue aw na caacaa bawa cuona luoluv cunglie ihraw ningta Taa aa kaaru ue paduo ryi thyikhuli naca Nguotuokaa vuota thlali Chung
hne Zuo a thla naruoluo ihrawbaa ningtaa ne. Kama cuoca Ningchung hing
kuokhah luokuo ta ma mangkie pangpasaa cuota cuozawdya relie a phungdiy. Riethyi thaabuo pa hlyitawtaa khahmuo ririy aw vyi. A cuotlema chuelyi cungca a tlingli naruo aa ma tataa ca ee.
Cuobaalaa
pata chungning ta bawah cuona Ningling zawdya kha Zuocuo lieta thaazuo
thaapa ma hmung pakha haata Mingnung Mingpa zawta kum a ma pasuv tiyta
Lupiy tlapa ta a maa cade pahaa kudaw thlipata Ningthla ritie a aw
litlipa khungthin lie duena maza patiy taapa cuophaa zawdue kha lung a
liriyta khee rala kheekhu va angne.
Chung
hne Zuota ma awh na malie thle ramang thluo hela a taning cicuota ma
caung nguluopa cuona zaw a thle ramang hele chuozaa mawkhuli riypa
cuopha zaw dyakha viekaa pakhala tathe awh li pahaa Chung hne Zuozaw a
thle khala tathe aw ravyi. Lungle baw viesaa riycuo zaw Chungchung kha
Zuozuo kha lie a duetuv cuopha a caung khutuv cuotie ung.
