Ningkha ca a nungre a byathe pa Haatiypa pakha ca cawkaaluo a viengie te a nung sa a pachienguoluo pahingta Caahnaa lie cape pacie diy pa a nungca a pi. A nungta tahe khama maca tate a kusiy pahraate haatiy pa caa ca pake ta a mang.


Diedung a puv vanamuo...Dawlaa 5
Zaakha cuo Ing pasiy pathe namuo.. Dawlaa 1
I nung cuota chadaw luo cavaapa namuo.. Dawlaa 1
I nung zii nakiechung nutazaw awhkhyi namuo..Dawlaa 2
A pyapa liy namuo.. Dawlaa 2
Sieing lie a hmaa phariyta caa izue namuo..Dawlaa 5
I nung riy aa ngie namuo.. Dawlaa 3


Ta pata haatiypa caa ca a nungta ridiytaa sajapaa paca a mingcakiyta siyte bawpe a larasyi te Caahnaa hnagkaa luo hingta a cape ra. Cape diy pahne sajapaa paca thluote a pamang sara caachung lie a cape paca...


Thlacaky chung riychunglie suokhakha cuosue kie tapa a mangpuo namuo.. Dawlaa 0
Zuotating cali pahya angte namuo Dawlaa 0
Ninglaw chiyting palungriethyi vuosuo nasang namuo..Dawlaa 0
Zuotating Thla cachuo pa namuo..Dawlaa 0
Cawsie/Nacangna/Ningriypa/a hupa mekaa cacalyipa namuo.. 0
cadue napa mekaa muo.. Dawlaa 0


Haatiy papaa ca a nung cape pa a ridiy pahne a mingthliy tiyhaa a zalang cakhu taa a nungca cakuv te a chang. Inung aw cadue sane tate Nungdue na a cunglie a hu pari nazya kha a paluo sa.


Lungle viesaa riycuo zaw Nung/paa a daahmang na cuohluo lilie pa taca Nung/paa ta saatazaw cunglie a masangpa duena hing thyithe diy valieciy Tuokaa ta muothlithe awh li pahaa ta khaapa hnehmuo taachungkhu awli paca Nung/paa duena hingna a cuo.


Tuokaa tapa zawhing a cuocuo ca hnaanguo na pidiy khuli pata palungriethyi na a pituv zaw a cuotaw. Pathiy palung hmisi ta duena tuvhing na cuota hnanguotling na caa pahmung sakhu.

Hmungkhu rikhu palie pa Lungle viesaa riycuo zaw cuota palie pachaa pa
Lungle Baw