Jawsaa pathiy palungruv pyazya hing a cuocuo ca kharuehaa zaw a chiytaw a ngaavie baalaa pata a singviepa cunglie duena a hnyikhu a dawchievie baalaa pata a dawphaa patie cunglie duena a hnyikhu a syivie baalaa pata a uvthyivie cunglie duena a mahnyi the tapa hing a rawlie chuothaa satlie papaa kawhing mang ung siyla.
Ningkha ca chuothaa satlie pakha papaa ca thyithyipa ta tuepa mung chadaw luoca aa ngiete thude hri palie ca a tu chadawlie re a hrienung ta a thaalieca a viedaa te khapama na ning aa tate a khiehriy ?
''Chuothaa satlie pa cata thyitling pata tuepa nguokha ta khazaama a cuo''
'' Sawngaa ''na a cuo tate chadaw re a hrienung cata a palie.
Jawsaa papaa ca a zah a capya te a tuokaa ca a mang ca sawngaa dyica a vie cake.
''Kie a muo nacepa haw khazaa ma'' tate a khiehriy pakhaa chadaw lie jasaa hrang patie zawta a ma awh ra patlaw caning rehrie nung cata a palung siy vatli a ming cakiy hingta a siy.
'' Sawthung phie pangaa'' tate a ryi a hruopuo pa hingta a khiysuepuo.
Chuothaa satlie pa taca a tuokaa ca cahuv puo pari pahing ta kie a muona ce paca natue pathi tie a ta.
Chadawlie re a hrienung ta mungca tuepa te a hmielie ca a viesang tuokaa a cieh pa ca caahnaa lie cape te cabya cunglie a sangsiy.
Chuothaa satliepa taca mungca a ningdiy taata tuokaa a cie paca caahnaa cunglie sangte a pyale. A awh hriehruv pahingta chadawlie re a hrienung ca cabya ca a viehruv cabya cunglie ta caahnaa ca a mangca a kharue a haadiy.
Thyithyipa mung panuolie rawca tuokaa phiehraa hlyi pangaa jawsaa nung huota lasaw a sangsiy.
Hmisi kieca chuothaa satlie pa a vie cake pa tuokaa ca sawngaa muopa ningthe a aw tluo. Cuobaalaa pata chadaw lie re a hrie panung kha lasaw a sangpa singkhing nakaw ta sawthung phie pangaa muo patuv a ninghriy cadyise ca jawsaa nung a biechaw paca ee seluolue manghnue nutaa puo pahing ta bie a chaw.
Jawsaa pakha hing a cungphang ta mang pata bia a chaw khala a cungphang ta mang pata eese khala. Caauv uvkha ta muo a hnyi paca a cung pakaw lie a muti li pata a chungluo a caasuo tuv kha a biepuv.
Hmungkhu rikhu pachung taa ta palie pachaa pa