Paasaa tial pahning ca Tluoluo a mavasih pata sajapaa a cuopa Haatiy paataca a pachiy te a lie, caning'' i zyanung i zyanung'' tate thapuo hingta a khi ca. '' i zyanung i zyanung ''tapa a ryi a viehraw pakha a kharue a haasa. Cana a khi pakhaa pachiy '' A hungma nacuo'' a khi pahaa ta '' A hungma nacuo'' ta pata a viekhi pakha ra.
Haatiy pata maca tate a khivie '' A hungma nacuo ca tane ''
Haatiy khi pa buotuv haa ''A hungma nacuo ca tane'' a vieta pakha hyi.
Haatiy papaa cata '' Riechiekhya'' '' riechie khya'' tapa a thyihyi.
Haatiy ca a paakha angchiy te a mang Paapaa tahe nuo khaapa na kawma i khi pahaa a viekhi ra mawlaw nuo tate a khiehriy?.
Paacuo pa a paakha ta a khira '' Na maca Riephaciy'' tate a khira.
A paakhi pahaa buotuv haa '' Na maca Riephaciy '' ta pata Tluokuobeh taata a viekhira.
Haatiypa a kharue a haahryly te thyithe valie a paaca pakiy te isaa na pachang tlima Tluokuobeh taa a hungma a viekhi makha Naathlietie cachang ang, Nama ue tlikha a viehraw pakhaa kama khi ningkha kama ue ta a viehraw pakhaara makha '' Ryi hrawpa a mata tlikha a veikaa pakhaa pa ma hnang luotaa malie a vie paziy pakha thepa.
Jawsaa tieta mahing Ahraw pakhapa (ပဲ့တင္သံ ) a mata. Ma haahing ta Jawsaa mahring nalie zaw hmisi ta malie a paziythe ratli hing. Sajapaa nama ta duena/duepa na khingkie sajapaa pathiy palung chunglie duena tapa na pathiy palungchung lie na hnyi a hu. Hmisi ta nama na nama naabuchuo a zangna na hnyikhing viekie zangtluo/mangpuotluo a tlariy pata naa tudaa aa mahing ta na hringna na chuochunglie kuo khaluo kuo khaluo taa a ca sapathiy aa.
Cuona (ဘ၀) tapa ca a taw tlaby the tapa hmangta cuovyi. Kiema tuehrie na tuesa na hne tuv a se a phazaw ma nakawta hmieluohmaaluo viecuo suekie hmieluo hmaaluo ma cunglie ma lietlung suekie tapa ruena hne tudaa khutuv macuo riy pa ung a khing khyi nahne.
Lungle Baw
Hmungkhu rikhu pataa ta palie pachaa pa.