Paa duena

 

Mawluo kha Paatie ningta a cuo pakha  chungriy vyili pata  mawbyita I maw re hrienguoluo pata mingruozaa nungta  na mahing paa nacuo tlima tate na khiehriy  aw sajanung/ sajapaa hne pa hnin I hnyitli muo I taca  aw aw cuoma  cakie ca mawluo ca palungtluopa paatie ning ne (Happy Father’s Day) na tate Fung ta pathlapa ma inng chungkhue hmaathla zaw kha na mangpate  puvthepa Inngchungkhue na nie macuo nata.

Paatie ningca aw zazaa ta kierue pathing  khaapa nakaw maw paatie ning hing a ma tuetlaw paahing paahninh paathung a ma aw muo  ta angte kamapaa kaw kierue pathiy, kamapaa hing kama cuota khaapama na tue pakhu ma nakha na hmang suokha na tue pate na calyi  pate palung tling ciemuo aa law ciemuo angte  mawkhu li pata I awh tapa khaahmuo ririy aw tlung vade ta pata palungtling pawliyli pa hingta I awh.

  

Awh hriehruv ca kama kawluo ta i vie chiykhyi  le I nungsaazaw cunglie kama hing khaa pakha ririy ta mawkhuli riyta  hmang I tuepakhupa aw valie de Tuochee aa kiepa sajapaa (innsaa) hmuo phasa pata chang pasie the va de ang ,  Kie ningning kha I saazaw ta mapaa hing khaahmuo malie tue pakhupa aw vyi tahe yila Paatie ning hing kama haa ruera se yila tuokhaa ma taatlaw, Tahe ma tapakie ca khaahmuo ta itue pa khuli naapa yita pathiypalung chung taca tiy pazuv va yi ang malie saatahaa ta ra seyi  tapa ikhingkhyi pa yikha chung rawlie aa kiepuv palung kiehring.

  

Cakhu taa kamapaa na due nakha kie pachang pasie  khaahmuo na zatue pakhu tluoli naa pata a duena chungtaa khaning hmuo nathaw buovyi a thiysaa chunglie aw pari angte kama cuota a duena thuechiy na pi pari te cung Khazingnung liezaw thlachuo namawbuo aa’vyi hnaatluo pa tahne palungriethiy kharuehaa vuosuo pata I awh riypa khaa ninghmuo khing vyi  ta pakha kie pachang pasie a duena kha mingta hmungkhupa duena laata a thlungvie padue nakha I kiehmung.

Kama paa cuota

Kamapaa a tluopata aw ma? Na sajapaa kama zaw tluo pata aw rane cadyi seca na cunglie ta pathiypalung zaphya zya mekaa kha mawluo Paatie ning khy paa ta satacung lie duena pathiypalung hne saatazaw ta paacung lie pathiypalung phya nazya ca paluo saningta a cuona buotuv haata na cunglie ta caza ruesue pa bangkhuo na duena za pachang theli pa bangkhuo kha a ngiethena I caahie kamapaa naangie thethi mang la I zapaa sane na sajapaa a ngiepachiy nacangta a ngiethe na I caahie.

Kamapaa aw I cunglie na zaduena pa mekaa kha I caalaw sane. Kamapaa aw chekha jawsaa zawca a mapaa ta thiyse yite I paa ta pata uu khu vatli yi chekha hyica a mapaa a hring kalie thluo pata I paa ta pata a uu khu lipa nata a uu khing li patie zawhraw lieta kama ca I paa kamaapaa ta pata uu khuna cuophaazaw a tingra ka lie nakaw ta nacung lie a lawna hruvpuv ca hnyi .

Na pathiy na palungchungraw taa I naathiy cuoning hne navuocuo ning mekaata I sajapaa uvthyi kha tluoma a hnaatluoli pa tazaw awlie taciy i ningkhing baakhing pa ngie maachang ningta na ruelie caataa ang a hu ning mekaa ta naathyi ciy Dutleli na sajapaa khahmuo catue pa khupa aw li baalaa pata naa ue vuociy kamapaa i caalaw hringhruo ne. na palung kaakha hmuo cahmung li pata i naangiethe pa riciy kamapaa i cunglie na zadue kha na zachang thluoli baalaa pata ningzaw cuozaw ta na chang yite nadue na mekaa ca khaapa tahmuo thungkhu awh li pahaa khaaning hmuo thungkhuchuokhu zaw awh vyi ta paca na sajapaa a pha ciemuo pata i thiythe tli ne.

Kamaapaa (Happy Father’s Day) na hnaatluo pari sela na hringtaa pa siyku se. Naling hla caahu pari angte na thluechiy i caahu pari ne thlali Ruohrang tluohraa duotaa nasajapaa uvthyi cuota zeezaw hmangting a tuekhutuv cung Khazing nungluo thlachuo pa zaw i  hu pari ne. Kamapaa aw ca duesa ne.

,,Na sajapaa uvthyi,,

Lungle baw viesaa riycuo zaw kama haata padue na pachang hnangtli sue lie ung ciy. Paadue na ca khaapa hne hmuo thlekhu aw vyi.