Nung a duepa sajanung hne sajapaa zawta Nungning ca a ma chungrawtaa a khawpa lubia ca a ma paluo sa ka luo. Kama ca nung a dueli pahaa ili khaapa nakaw ma tapa kieca nungcuo ta khahmuo tuekhupa aw vatli. Cadyiseca kama laa nung a duevie patie a ma awh pahaa kama tluv aa dueli pazaw a ma awh rathluomang. Viesaa riycuo uv ta nu tazaw kama ca inung hing duesa angte a vuozaw ivvuo salaalaw ne nungning a viephakie ivuohryly .
Kama nunghing Chuelyi cungming ta nungning ta a ma pahaa tlipa ning kha a pachangsiy thluosiythluo raalaa aa cuobaalaa pata inungthaazuo ta a tekhu lipa thiyna ca khaa tuesa pha vatli a sung a pi. Maning cata pa thute inunghing duevie angte ivuo hryly. Aa lyi cunglie aa maming a lute a jawsaa zaw a lupa sung va yi a matapa buotuvhaa kama cuona (Bawa) haata nungta haaraa ca zingluo naza khungkhing li nacangta naza khung pahaa hmang a tawrapa nie ma aw kie kama hne uvnu macuo nabuotuv haata niema ngiechi lie tapa thazuo bie cachang khing yi.
Tuo pa nakaw ta pakie ca nungta zapuv hluoli Jawsaa tluotling pata zapuvma tapa hmuo a pa pachang khuli na cangta Thla caky chung na zaphya te kama vuota riethyi aa za ang. Kama vuota ipaa palung hmung zaazue te a raw zaca naw kama vuota cung Khazingnung lie thla a zahcuo cadyise ta a cuobyima a hringna pi pata naza pachuo hyi tlinaa pata a de valie pangpa thiysaa taa hnungthlung paca kama cuota na pihyi Zuo ta tingta mingkuv angte Ninglaw chiyting a thaapabuo cuobaalaa pata kama cuota a minghmie chiebuo yi. Mazawmekaa a thiyse ta kama pathiy palung chunglie cape siyte a ta ikung ichie taa hing tana irikhu.
Inung a thaalie kie na sajapaa ihnaa nguote mingkuv pahuo inung na ripa bangkhuo na sajapaa izangdiy na sajapaa icaahie pa mekaa na pi cate na hnyi likie mawluo catue pa aa, ca calyipa aa na tapa bangkhuo zangdiy nacang ta ihnanguo. Inung na awh likie na sajapaa ithla lungvyi inung nama na awh li hnangtaa na sajapaa vuosuo itaw inung nama na awh likie Luophaa a tawva ang inung nama na awh lihnangtaa na sajapaa kha aw tawva ang.
Cuobaalaa pata inung aw,,, na sajapaa ichuochung lie thlachuo na cangta phace riy pata Khuysa tungbang izue ne na palung riethyi lie na sajapaa cuota khaahmuo na ngiezaw chilie i pangpa saalie hing nama thiysaa hne ithaazuo a tlungsa ne Thlachuo tuv namaw lieciy kha kieca duepa nungning cuota na ririy caa cawta i cape ma caahing nama pangpa ta na ri khu linaa pata nung a cuopa mekaa zawta mana (kosaa) cuota ri yise tapa khingkhyi na hne.
Top 10 Reasons I Love My Mom!
(10) Inung aw,,, cadue sane Phungpa zaw nachang pari nakaw cata.
(9) Inung aw,,, cadue sane naca ya le nakaw cata.
(8) Inung aw,,, cadue sane sazaw riybi sa pata na pi nakaw cata.
(7) Inung aw,,, cadue sane luo cakuo zaw napa cuv nakaw cata.
(6) Inung aw,,, cadue sane hlata nu napa yi nakaw cata.
(5) Inung aw,,, cadue sane nacang khyi pari nakaw cata.
(4) Inung aw,,, ithyi pari ne puolie na pahnuo pakha.
(3) Inung aw,,, mawkhu hluo va ang nadue nakha.
(2) Inung aw,,, icaa law pari ne kama cuota na riethyi na.
(1) Inung aw,,, ca mawkhu hluo va angne ta hema tapa kieca icuota napha ce nakaw.
Nung hla Naathliepuo tie ung
No comments:
Post a Comment