I ningdiy

I ningdiy ta a cuopa sajanung Helena Ngucaw kaw a cawta, Khylie aw ningta ma mingnung a cuopa TlingTaa mingta ( i lunglung pa, i vazung pa, i ningdiy pa) ta pata malie aa za uutaw pakha aa ryina a thlungsa tapa tedyi za pachang taw. Ta ningca retaa a zaadiy angte ingluo zachiy ca isajanung ta paapaa paapaa tapa a zathe ca dyise cuoli pata ingluo zachiy pa hne aa pawtaa pa a khing.

Ningkha chung rehrie angte itha buonazaw dyaca aa pediy. Mamingnung ta iningdiy pa ta pata malie aa za uu tawna pakha a siyluo kiepa chang ningdiy ta pahing Ningsaalie ta Thingkungpa ningdiy dyikha vacuo vade. Ing ningdiy dyizaw ta cuora vyi malaa ta a thlung viepa Sajapaa Sajanung hmiechang nata a ma ue ryi hingmuo ma ningdiy phace pata a cuota.

Sajanung ca Khazing ta mangsang te a tuephaa nazya  nungzaw paazaw awli naruolie malie a daw pahlieriy zaw awli nalie ta Zuokha tahmuo mingkuv malie pahruv buovyi hnatluoli pata palung riethyi sa pata zaw aw buohrue zapuv. Zungthlaa ning puvte ta thlaa Epare hing taca Thlahraa a ngietli te suena hnyili hmiechang hne a lu pari te aa nungpaa cuota ningdiy a cuo pari.

I nungta cuota aa ruechuo na hluvpuv hne Cungkhazing nunglie i khingna chang angte Paakhazing pata maaphuv siyna palie ta thlue malie chiyte hing tana a pha a ta nalie ta malie a awpuo aa. I nungta cuota thluechiy ca hiepa pari ne.