Jawsaa pakha cicuo cunglie a ngiering cepa rila malie ta yi sela viesaa riycuo zaw khama nie mari tlaw? Kama ca Siymaluo alarm khi pahing na i ngiering cethluo mang. Tahema ma takie ca mawruo maa hmungkhing sa kalie pata a kiekhitli pahing taca a ruvthluo, mawkha ca mingkuv pahuo ciemuo pa hingta kiekhi te phahla puo pahing ta kiehmi sa angte ihmung pakha reluo khawtiy a detli pahing ta ming ca kiepadyi angte siymaluo ca kiemang ca a pahlu puo pahing ta hmiehmuo a siyhmuoli pa angta i ruothaw.
Reluo chiyca a cawta (inawcie) ichiyhaa iboss paca Kaa tacie sate na a cawta ikie chiyhaa ta pata idung. Maning ca ningkhachung khue na paruesa ikhysa na itudaa name kaahing ta Siymaluo hing makhazing pa tluvta taka naa ta angte kama na kama biekhie hriy nazaw itue khaa pakawma tapa kieca siymaluo cuo a tlingkie dyi reluo a ngiekhu aw siymaluo cuotling kied yi retaa a diykhu aw siymaluo cuo tlingkie dyi a pungthe/pyathe aw.
Lutuv Ruo makhy bungpuv lie maza aw ningta siymaluo cuohing maza hmuo rathluo pata matluvte ryarya ca zacuo vade zapuv ta tueriy hrieriy kiedyi muo siymaluo ca mahmuo vieta rikhing naca hmuobang by vapuv takhing na cuoli pata Ruohrang lie haata siymaluo mang a ngiering nazya ma ciy nazya kha paluo sa. Siymaluo alarm a khikie thulisa phavyi siymaluo cuotling tlikie tuelisa phavyi malie ruolie vie hluepa a ruvzya!.
Lutuv Ruo liekie maw ningchi daw khingkie daw ang siymaluo cuo palaw khingkie palaw ang a hung rieve a huli hnatluo biebuv likie a pahy hyala matluv ta a pha paruo kha khaaliehmuo aw the va tlide viehlue kuophie ta pahing awli kie phahring hruo aa. Ngunung Tuokaa vuolie haatiy macuo awli redyi re paarie paaruv awli redyi re siymaluo mang pari siymaluo khipa naa pacung pari kung khazaa kung khazaa vie mahlue zaw siymaluo raw canaw pari a hutli pahing.
No comments:
Post a Comment