Lungle Baw viesaa riycuo zaw lieriy tlana Lutuv Ruolie suepuv/thlasiy/cuovuo/ ta pata awte Ning he thlazaw ca a cicuo ta lungli na ca Lutuv saa zaw pathiy pa lungchung lie chuozaa lungbangh haata a hmang. Hla phy thepa paata ( cuovuo viechiy siesaa lungkhaw he Byinung vaapielung ma dungning hing a cheriypa lunglie kierue va ang isie khaalie na aw ) tapa hlakha a taning aw na Ruotaa sa nguoluo tli kanaa ang ma ta pata irue tahe ma tapa kieca a cunglie hmathla hing ma mangkie ca hmieluo vuoriy ta Lungkhue zadaw pa zawhing za aw thluo vyi, Cuo rasela Lutuv saa cuoca mawkhu aw thluo vyi ta paca a hmisi.
Byinung luo vuohning rita masiy pazaw ca Khytaa pyale pate Ruohrang taa vuoriy ta zasi buo vapuv cadyiseca ma hmathla hing ma mangkie Lutuv saa a cuo pa taca Byinung bawluo a rita si yite ruokiebuo lungkhue dawbuo bi changbuo ta pazaw mekaa kha vuo vace tala ca khing nese vyi. A phazawli pa tana a cape na ta lipa ung cata aw nalie chekha viesaa zaw Khyluo ca kaakhing vang ne a ruv cabya hne ta yite a ruv napa seta a ri patie hmielie Khyluo vuochiy pa ri hne the ma awli nakaw Lungle Baw viesaa riycuo zaw hne ri pakhaw ung puv a ri khing li patie khaca Sakhiy riykaa tiyhuo cana a mapahri khing vatle he he he he.
Inn luo sinang cawtaa lungkhue dawpuo pata mange aa siy pate tiraw matla na pazaw khaca khaa ma na rue?..............
No comments:
Post a Comment