Khyluo Khrisamaa Thla vuona

Aw, viesa riycuo zaw nata Uvnu zaw Khrisamaa Thlaca mavie phamang hyitli! Khrisamaa aa law naca niema cunglie aw kuse.

Kama chungraw lieta irue taw paca Lutuv ruolie Khrisamaa thlaning ta Haatiy taata satlie leesaa nung puv macuo ta ma palung aa nanang maapy maaauo a chiyvie cadyise ca Ruo ruohrang lie Khrisamaa aa lawnaca Khylie hne aa nanang hringhruo.

Macaw vie ning ta

December thla 23-24 zuo Ingkha hnang Ingkha a khiele pate ma sale pahla,

{Maating dawpa aa puvmang tli leesyi nahne aa puvtli.}
{Zuocang siyma luohning ta aa puvtli.}
{Suena hnyivyi cahaatiy ca leesyi nahne aaa puv tli}
{Zuocang Siyma luo hlyihnig ta aa puv aa}  ta le pate hlaca ma sale phungphung pa zawca a ruvde ta made le manung paa tie zawta (Vuochuo) malie kie parie paa ungla tapa ma mingnung zaw aueryi kha ruokha hnag ruokha Kungkha hnang Kungkha thyibuo vatli ang. Khaaning hmuo thyi pakha khu vatli ang tapa kierue khu na changchiy ca Khylie Khrisamaa thla kha vuohry angte i ngiezaw kiechi vie.

Ma satlie taa

A ta kungca aa ningpaa tiena Khrisamaa malie a tuepaa yi tapa  Biena inglie naca Satlie leesaa zaw zuo tating hlacaw luo mathaa a hang. Khrisamaa pyi cuonaa pa ninghning hraw bu pata Dawna  sariy ta Aariy kung Myisaa hnaa lu pate aa mielie ca pangkha ta maphaa thaa thu sa pata rangrang ta re ma hrie pa khaw.

A tahing kierue pakha angte maning ta Khrisamaa thla maaliy maalu nazya ma hladaw daw nazya  i chuochung mawli riyta cuo i zahmuo pakha a ta hing na i pachang pasie, Tahemaw tapa kieca 2011 Khrisamaa ta thlahing ta i caw taning pazaw i satlie taa pazaw na pathyi pakha sadiy  na kawta a cuo.

Ma zawdya kha makie mang pakha kieca Vuobyisaa ma Byipaa pa Chuelyi cungming khuoriy ta aa za puv pakha ma pathiy ma palung ta aa liy a lu na palung hnaanguo na ma lie a pi pakha ta ma Byipaa pa Zingsuv kha a hladaw te a cuhluo ta pakha aa paluo sa.