''Baw Ming'' Naa niethe mya

(1)  Blog viesaa riycuozaw ''Baw Ming'' Naa niethe mya tapa kawluo cuota icape pahing Lutuv satlie Lesaa a cuopa pakha papaa hne pakha panung a cuo sasawpa a makawluo pachang ta cape pata a cuo. A chuocie kunghraa ningta  Riene lungkhaw zacuo yite tluotling li na phangphang kawta zaacu khu va yi. Ma ning cata Riene nung lubie ca ''Baw Ming'' Naa niethe mya a chuo nata a thyi patlie pakha luokha tachuo thyi pakhaa khuli naca a ning teta a cuo. ''Baw Ming'' hne ''Ra singpa'' hing a maming dichawpa ta a cuo.

                                 
                                      ''Baw Ming'' Naa niethe mya                             
''Baw Ming'' ca a riene nung luo Daamuv a vievuo le te a vaw, ''Rasingpa'' nungtie ingluo ca a viechiy. Ingchi pahaw te Rasingpa a nungca Buvca lie myi aa ee Baw M ing; aw! Nung myima naaee awsaa myina iee ciemuo malie navie parie lema hing aa vietu tie tate thude a hluo Baw Ming ca myi aaee ra.

Awh hriehruv pahingta Ra Singpa nung ca cawkaa luo a viengie te
Ra singpa; Naavaw taa a syitlima?''
Baw Ming; itu baaning khaama natue na retlawnaa?.''
Ra Singpa; a tlawne.

Ra Singpa a nung ta kha Saazaw icaa ziese tli yi patiy bikha mangpuo mya ung Baw Ming ta aw elaw mangpuo lievuope inung. Lungmya baataa vuotiy zaahrie yite pakha hne pakha a nang a ee theli zuo tating a ma parie naca cuozaw ningzaw a zing matli aw hne hryly aa duehryly a khing hryly a tapa yi ca ima dyi hing aa.

Baw Ming; Ra Singpa tazuo ca napuv thehing hruo de,
Ra Singpa; cuoma zuohrang ca puvthe buovang tatie?.
Baw Ming; Cuova demaw na cacaa ihmielie hing na puvthe pari ne caning tazuo ca minghmielie Vuocung zaazaw ca palu sa.
''Ra Singpa'' chung rawlie 100%100 palung aa kietling lubie sungnaapa hringhruo pa a satliepa taa a aueryi ca pathiy palung chunglie Muothli khu awlipa duena ca a cunglie a sang hryly. Satlipa ta a duenakha cuhluo.

Hmisi kieca Baw Ming hne Ra Singpa hing a (mabawa or a macuona) a tleduosa Ra Singpa hing Caatuo hnyite Nunghne paa a tle paastaw sajanung a cuo. Baw Ming hing Haaraa saa cuote dawchie saa caatuo hnyili zezawting ta a ruvvie. Cuobaalaa pata dawphaasaa ta a khingthe rate dawchiesaa zaw a khingthe ra Caatuo a hnyipazaw a khingthe a duethe rate Singna hnyili pazaw ta a khingthe a duethe pabuotuv haa BawMing zawma khingna tling hne duena tling ta Ra Singpa kha khingna lubie a zathluo ning a zacu hluo pakha a ruepathiy.

''Ra Singpa;'' Bieri tielaw naa camuo pari ee?
''Baw Ming;'' Ra Singpa hmiechang ca ming vyli ta mangte a ri nathyi va cama lungchung rawta bie a hluvsa i caarue tlimuo isie.

''Ra Singpa;''chungraw lie papuv ca tuokhaa ma i thyithe aa nachang hrutie.
''Baw Ming'' ta Lungkhaw nung kuca late a chang Khingna lubie cazachang ningta le nazakhuo cate naza hluopakha rue pakhaa tiyta calaw angte cakhing hryly, cadyise ca palungpha lipa suokha ca kama (bawa) chungluo naavie tiyta an te angkhu ma tapa hing na pa lungrie a thyisa.

''Ra Singpa;'' tahemaw mazawca na rue pakha ee iruediy ipacuo diy khuta muo a phica capi lie cadyise ca chuozaa ta icunglie naduena na khingna a hmang pari kie palungtling na ihnyi ne. Kama zawma chuozaa cadue pari ne. Cadyise kama khing nahaa aw inaa zuepa raaciy muoma?.

''Baw Ming;'' Phaane nakhing haa awriy ta izue ne.
''Ra Singpa;'' kie kuvca na pathlie buotielaw, Patiy bi tiy kiepasuo taa ang tataa riene kuvca Baw Ming ta a thlie. I mahaa ta a khingpa tiehing ''Hiy Chaw'' hne Haw Auo'' Phungpa haa rikhang a puv pakha hne pakha a thyithe na a mahnyi cazaa a suele pa Vaci ruonung lungkhaw a macuo pa buotuv haa Hlate phykhang aa mata ne.

(2)Baw Ming'' ca a hmunghaa te muoluo maw ningchiy a daw kiethu te a hmie a siy nguoluo pata a paata Baw Ming na thuhaa de naasiy khukie mapaa ta ningsaa a ee puo pata bie maareu va, Baw Ming; aw kama zaw i ca changkhing pana aaaw ra ing tate a paathaa lieca a vietu. '' Baw ming;'' ka mapaa nachang tielaw khaa pama? aw a ta hingca naakhing ra tli ciy a uvthyi zaw nacuo,,Baw Ming; ta aw kamapaa paqchang tli Ra singpa hne kama kaw na malie na khiehriy khing thluomang kamapaa kama zaw ma cana cachangkhing ra. A paa;  ta kie maca tuokhaa ta (Ra Singpa) hne ca niema khingtli ma? Baw Ming; aw maakhing taa a syi myarya tli te ma vahie puo pata na a phathlu mang 'a paa ta' Saa malie khingthe tlalaa kie phaamuolie cadyi seca Tuokaa a pacung taala viezaw hleutaa vahie lievuopuv a ta hingca ingchung kheulie na hmung nahaa cuo thluohing.Riene nung hne Khysa tungbang riy ''Baw Ming'' kheureu te khareu haatli,. Zuoluoca ''Ra singpa'' tie ingluo Siymaluo 8 hraw ta a chiy pakha ingchiy ca pahaw te cawtkaa luo a ngie. A Ra Singpa a nungta awh a vietu tiehing tate thude lie ca a tu ''Baw Ming'' ta inung Ra singpa haw taca ing khuoluo aw kanaa maw saa a ta, Baw Ming thute ing khuoluo ca a vaara Khama nateu? Ra singpa ta Caa na iri nguoluo, Baw Ming'' ta khapa caa maw? Zekung taana na kiepaphya yi, A (waytin) ta Sieing kie pakha riypa ne a taca '' Baw Ming'' aw a cuoma tate a mawraa a kiedaw , Kie tuokha ta khatiy theu siriypa ta ? Ra singpa'' ta hmiezaa hraw khy thlumang, ''Baw Ming;'' ta tahe kie nachang buora va deciy? Ra singopa;'' ta a ta hingmuo caa ca hmungra baaning ta, Baw Ming; aw cuoma kie khama narue Ra singpa; kama ca patue pakha khing raalaa nama haw tuokha ta? Baw Ming; na kievie tle hmieluo cuo camuo a cuota. Vie vahlue chung hne a hcuote a phathluo ne, Viechiy thue ca (Bue Degree) zaw za laraa tli cate tluotling heyly cuv cuo vama, Ra singpa; kama zaw zaazue raa angte marue chuo pahaa a viecuo mang ne. A ma pahning ta bie a maarue ciemuo ca Siymaluo 12 a vieta Baw Mning'' Iingluo a diyriy a ngiering tli pakha riene nung tazaw pa diy sara li pata Baw Ming'' Buotung ca  Tungpuo vawhe laa a phavie tlaw Ra singpa '' lungkhaw lubie zuokhy dyi a mari. (3) Zaa hning hraw a ta papa hingta ''Ra singpa'' ca Zekung luo aa si, ''Baw Ming'' zaw a hangtaa a sira le Zekung ''Baw Ming'' a chiypa thluo ''Ra singpa'' a thyi pahne aa vaataw paluo Baw ming'' hing a nung Vthyi  nungtie inng lie tlungte a ma seta inng a huoning a chuote ''Ra singpa'' a vaataw huvlung sa pata bie a marue ''Baw ming'' hne Ra singpa'' hing zaakha zaahning hraw dyi a maache pata a ma pathiy palung cicuo chunglie ca cuosyi puv a chepa tielaa a ruv vie pakha hne pakha mingvy lita duena phangtling/aa vona phangtling hne ryi pathli li pata bie a maachang. ''Baw Ming; ta nungdue irue na palaa na inaa zaataw patang vieciy, ''Ra singpa; Caa Baw ming khatluv ma i cavuo tapa hing ri a hu kalie ma? ''Baw Ming; ta Nungdue i cazang ne ma nakaw cadue hryly angte cakhing hryliy lie, nama na silee hnangtaa ta Khylie tuokha hmuo a tudaa the vatli ang na pachang ma, a ta viehlue riy i zasi pazaw hing i caaache khutlaw,,, hmisi tlica , Ra singpa; kama ca nama laa aa ruvvie haw Janung saa ta i cuo a zuokha ninghmuo kaakha maache pata cavuo nahing cachang the vang ne pathiy palung zaw hing capa  hmungthe he angla ca pamang sa khing ne malie ca Viehlue naluo na sise hyiciy tuokha ma za awtlaw caa Baw ming. Baw Ming; cuothe hela navie si rale pahmuo na i khing raalaa Zekung lie na awh riy pazaw hing i hnaa naa nguokhyi vaciy cuozaw ningzaw hing zangkhue va ang, Cuo baalaa pata Malesie lie i awh chung i cazang tlihing ka mazaw na zang rala luosi aa aw zawdya caa maa paphya aa na thyima? Ra singpa; Caa Baw ming Ciyvyi zuo cachang pa biakha naathyi kalie ma na palung rie thyi kha hela cuosung naace pazaw dya nacung lie ca zapidiy thli hnagtaa kha ta na maca i vaapa cuo cate kama ca na napuv tamuo zacuo tlilie . Mabie ca ''Baw Ming'' cuota chuozaa mawli riy pata ''Ra singpa'' ta chuona bie a ri pakha chuelyi cunglie (Sunaami/ Thlichie/ pa Aa Ling) ta hmuo pa rakhu thla la vyi ca dyi seca Nizaw Cuozaw Thla zaw a thle pabuotuv haa Biekuo sungnaa pazaw thlicie pa palang zuomuo nung haa Vuolie a zupa Myiding nungha Siymaluo tekha lie a viediy a pediy. ''Baw Ming'' Malaysia luo site Kungkha hraw  tapa hingta ''Ra singpa'' hne Baw Ming'' ca fung a machaw tiyta Tluotling li hruo a thu funglie pakha hne pakha pa lungtling hmyina a rupuv le tli, a chuona bie fong lie taRa singpa;  ''Baw Ming'' Naa ngiethe mya ta paca a raw luo buotuv haa hing a cuo, Ring,,, ring,,, ring,,, Hello  (bekaa nele aw canaw Malaysia kaa khawdaapaa canaw ''Ra singpa'' ne phungpyaw ching lo khawpe lo zamalaa? hawke naame kaa? aw canaw ''Baw Ming'' pa  aw ee ee khana naw) tate ''Ra singpa'' ca a vaw Hello tate aw Tluo cama? Ra singpa;'' aw i tluo ne nama haw? ''Baw Ming;'' i tluo rane, Tahe Maisu luo na khawpa nachang va deciy nuo? Cachang thesaw va ang ing. ''Baw Ming'' palung tling khuthe vyi. Ra singpa'' a phasa pata na chang thluola na palung tlingli zaw aw kie na chang thluola fung caa chaw kyry na biari tha chiyvyi ca duena na pachang thluo taca Ra singpa; ta aw Caa Baw ming'' Naa ngiethe mangla tapa kakha bielie khiehriy viethe aw vatli Ba Ming'' Saaruv ca uo pahaa muochiy sa hruo pathu. Cuobaalaa pata a ru hluota ''Baw Ming'' thluohla thyi paca ''Ra singpa'' Lungkhaw hrang na a hnyitli ee tapa Thuo a thyizaw ta ''Ra singpa'' cunglie thyithe na a hnyi pari a ngiethe pari naca taning tacuo te a hmang pari te chuozaa a hmang pari aa ta hema ta pakie ca Lungkhaw Biekuo kha a nasa pata thlithe awli pahaa a nasa pata zaw mawkhu aw the vyi tapa kha Blog viesaa riycuo zaw hmielie pa luosa mahing ''Baw Ming'' hne ''Ra singpa'' kawluo  Kunghraa chunglie a cuo sasaw pa cuote a maming tuv hing Lungle Baw ta a dichaw pa a cuo. Caa suo tluotling lina aw kie a rituv Viesaa zaw ta a thyizya tuv nathe pathi tie ung. Duena Biekuo a pahmang sakhutuv Lutuv sa nung sapaa cuokhu ungsiy.