Nung due na khungthing lie due na phanghning

Blog viesaa riycuo zaw ''Baw Thuo'' ta papaa pakha ca 4 paliy hraw ta baaning pa hing ta a nung ta thiyse te Haraa (bawa / ruona) hing ma ning ta cata a zacuo.

''Baw Thuo'' hing a ruhruota  a pata nunghrang zachiy se, ''Baw Thuo'' ca maning ta cata Nung due na khungthing lie due na phanghning kha (bawa / cuona) recoding hruo a zaa pathu, ''Baw Thuo '' hing mingnung mingpa a tle ralaa, Puvpa zaw a nung zaw a zaatle ralaa ca dyise ca '' ''Baw Thuo'' hing letuv letaa (bawa /ruona) phyilie a za hliy.

Nung due na khungthing lie duena phangkha ca jawsaa rue na nata pa cuona/hmung na taca '' Baw Thuo'' pakha vavuo hing ca hmieluo malie mingmangkie ta pata chuelyi cung thena sing na pa cawsa Sie ing tuohraa chuo pa awsa pata nangcuo zyazaa minghnaa mang thepa saajapaa cuokhu na riyta pathiypalung chung ta due na zatue thla a lasa.

''Baw Thuo'' ca thena sing na hnyili na cang ta viezaa rate Ingdie/ Vieruo Nangdaw Phaakang luo te Ngun nungtuokaa vuo ta a pha ra. Caning cata luosi pha daduo awli nakaw tlawma chungkha riykha zawtaa caa tluokha vuona bie kakha za thyikhu vyi.

Vieaw hriehruv te Ruohrang huesuoluo ca vie khesaa te ruhluo ta Malesie luo ca a viepha ra ''Baw Thuo'' (bawa / cuona) ca a hlyivyi. Malie raw canaw na cangta re hrie ca a zaa pathu.

Aw,, Khazing lawthuo! ''Baw Thuo'' ca Hiekhaa luo fung viese hela ta pata a machang ''Baw Thuo'' ta Fung ca a se yi, za thyi buoli pa biesuo ca suokha hnag suokha a viethyi {i paa ma cavie vuo satli ne tluotaw cama? Thlachuozaw camaw vape } ''Baw Thuo'' ca a ma viehmung khu lipa palung mingthliy a lang.

''Baw Thuo'' raalaa a khing nahaa a byakhu pa aw vayi, A ma palung tling li pata aw lie yi a mahna zaw uv lie ta patuv palung rie a za thyi vietaw.

Ningkha ca America ruoluo te a pha ra malie ca 100% malie ming a viemang America lie khysa tungbang kawlie caa theli ryi theli kie jawsaa cuo na 100 lie sawnga ca a ngapa a vielu. Pakha papaa ta rite caa ithe lipa na pachang thlu pa yita caa na vie paphya pari pa yi ca na ese puothlu mang yi ne tate sesung pa haa ''Baw Thuo'' ca caabaw viechiy pahne malie angluo a ruokhyi pari pa (bawa / cuona) ca a nata hmang cuovyi.

Kie ca Nung due na khungthing lie due na phangkha ca palyi pakaa ta ma ca duesa ne tapa hing a cuo. ''Baw Thuo'' nungkha hring sela A,B,C, suokha chuo pa thesaa te nancuo zyazaa cawpa te inung ipa puvpa tuvsaa cuocuo naanaa tapa ku thena chang te Lutuv phunghla zaw pathe sathla a la.

Kha cuocie tli paca cuotli te Lungle baw blog viesaa riycuo zaw Nung due na khungthing lie duena phanghning hing palyi pakaa & pathiy palung duena tapa hing ''Baw Thuo'' cuona lie ta nangvuo na a lakhu thi mang ungla.

Tluotling li nazaw thyithe na a hnyipa blog viesaa riycuo zaw cunglie a lawna phuvpuv ca hnyi yi.