Ca khing ne cadue ne namaa hlyitaw pata lunghrang riene aw vayi tapa lubie paruv kha viehnang cunglie sapa hataa a nasa pata a zaca riy.
Ilung mya bata vuotiy ca zahrie angte lubie ca zacuhluo ningkha riene nunghne ciyvyi luo ma varaa. ma ingtlung na lie riene nungta vawhe cung ta lubie na zahluo pa ue ryi kha phyilie ihli le naruo ta lunglieraw a kie chie pari maca phungpa zaw cuovyi biehne hlazaw cuora hyivyi.
Saatle li siypa sasaa cuona aruvzya ngunung tuokaa vuo thlali Malesie lio phyilie viehli chung ninghne thlazaw tluohraa duoluo myiding nunghaa na khung sediy. Nungdue nama cuona vuota mingku ramuo ca khe angte na hmiechang ca saatleli na caacaa hmielie cuokaa taa taaangte ningling khytiy hrawlie ninghne thla kungzaw cuozaw ipa lang.
Vuona lubie changriy pa lungchunglie a chiezaw dya fung chungtaa ichanghluo a chena mingthliy viepa thlate naangie themangla na vieta a siyluo ca lunghrang na ihnyi tli ee ta pata a vacuo.
Viehnang cunglie sapa pathiy palung pung hing asiy luo chuozaa cuo ma ka kha cuo ma tapa thleduo khu na hnyi kaluo khuyi se.
No comments:
Post a Comment