Haa Tiy pakha ca mahaa hingta a ngie chite a ca buotaw. 82 sawcari kunghnin kung hraw ningta 5 kung pa ngapa haatiy pakha ca a inn paa nung a nung hyipa Sieing luo acade taw ningkha ca Sieing ta zapya yite ingluo a zachiy ca thingkaw cunglie a tu nguoluo pa a nung ta mangte a mingthliy a lang. Ta he inung nacaa tate a khie hri a nungta khahmuo a pachang lilie pakha a ngiechi kie tate ipaa aw khahmuo cuove Sieing na kiechung kha cavuo sa angte na icaa ee tate a zachang aw acuoma tate a sahrie taca sangte a nungta sazaw api. Maning ca apa hing khahmuo pa changvyi macata vieaw hriehruv te a nungkha ningkha hnang ningkha ta acuo na kha a kiepachang isaa hing iche sawtli ma tate a palung ca kyite a palung mingthliy tiy haa a lang. Haatiy pa paa a nung aatue na aw vatli a ngiechi khasuo ruhluo ta Haatiy paca a nunghne ta khaning hmuo a taw pakha liriy tlipata a nungta Haa Ra cazing luo a khung siy. Thiy na tapa ningca Hatiy pa a nungta za thlukhu vyi a thazaw ta zatievyi palaw cawthe zaw awvyi isaa ta levie taa hela ta khing sara laa thluo aa cuorasala Thiy nata Haatiy a nungca a chiyle ka ruesaw.
Zaakha ruthluo ta Haatiy pa a paaca napuvhrang a hnyi paluo ma a paakaw hing ca rikhing siysaa zaw awyi capezaw cape vaang. Hatiy paca nungthang nunglie ca tuokha ta hmuo ie thlungthe vatli a mingnung hyi patieluozaw ing khahnang ing kha ta a aw vyicuole zaw Haatiy pa cuota a phana awthe vyi. Puvpa tieluozaw puvkhahnang puvkha awvyi cuole zawta a phana awthe vyi HAARAA thingru saa lalaa a ie thlung na awthe niethie vyi. Haatiy 25 kungkiy kungpanga tataa a nung thingkaw cunglie a tute a mingthliy a langtaw pakha a rue syalya taw aww>> a nung palung zakyi te palung mingthliy a langtaw pakha Haaraa riy pahne a tawriy pa mekaa a za pachang pacie diy tapa ca a siesa pata hmung khu aw saw...
Haaraa sa cuoriy pataa lue kaluo yise.
No comments:
Post a Comment